Það er allt að stefna í mjög annasama páska hjá mér. Það er amk þrjár manneskjur að koma frá Englandi, sem ég ætla að hitta og skemmta mér með Dagbjört, kemur t.d. á morgun og ég get varla beðið. Efast ekki um að við eigum eftir að slúðra mikið og um margt og síðan gera eitthvað fleira skemmtilegt, t.d að fara í fermingu!

Annað sem ég ætla að gera um páskana er að fara upp í Bláfjöll á snjóbrett svo það er eins gott að það verði opið. Fór í fyrsta skipti á bretti á þriðjudaginn og ég held að ég sé ekkert að ljúga þegar ég segi að þetta sé það erfiðasta sem ég hef gert, en alveg ógeðselga skemmtilegt. Ég er að vísu öll marin og blá og með geðveikar harðsperrur út um allan líkama, en þetta var samt þess virði. Ég vill þakka Robba fyrir kennsluna, stóð sig eins og hetja og á endan gat ég staðið upprétt á brettinu og ekki dottið á 5 sek fresti. Ég tel það vera afrek og er geggjað stolt af mér

Úbbbs... ekkert búið að gerast á þessari síðu í langan tíma, eða alveg síðan að ég flutti heim!

En hérna kemur summary af því sem er búið að gerast síðan ég kom heim: VINNA og aftur VINNA. Geri lítið annað þessa dagana en að vinna og sofa. Er að vísu að plata smá, ég fer í ræktina þar sem Stellos aka Hitler er með mig í einhverju andskotans átaki í Laugum og við erum að tala um að ég er með harðsperrur út um allan líkama, puttunum, tánum og alles! Ég er viss um að Stella er dóttir íþróttaálfsins og borði bara spínat á daginn því það er ekkert annað sem getur útskýrt þennan dugnað í henni. Ég fer að gefa henni róandi bráðum svo ég fái einhvern frið til þess að borða nammi og subbumat

Eitt annað sem ég er að gera þessa daga er að leita mér að íbúð. Það er að ganga mjög hægt því ég er svo pikkí að það hálfa væri helmingi meira en nóg. Er búin að skoða svona 30 íbúðir og er ekki búin að sjá neitt sem mig langar í. Sumar íbúðirnar eru svo ógeðslega að mig langar bara heim í bað eftir að hafa skoðað íbúðina. Sumt fólk eru bara SÓÐAR. Og síðan er það eitt sem pirrar mig meira en orð fá líst, fólk sem er að taka myndir af íbúðinni sinni og kann ekki einu sinni á myndavélar. Myndirnar eru allar dökkar og ljótar og sýna frekar ruslið inni hjá fólki en íbúðina sjálfa. Hvað er þannig fólk að spá?.... Þetta hlítur samt að fara að koma hjá mér, finn að tilvonandi íbúðin mín er að koma

Ég er að flytja heim til Íslands!!!!! Hlakka ekkert smá til og er farin að telja niður dagana, nákvæmlega 16 dagar í Íslandsför. Ég flyt heim þann 15. desember og þá verður sko stuð. Verð að vísu "einhleyp" í tvo mánuðu þar sem Jason flytur ekki fyrr en í mars en það verður bara reynsla út af fyrir sig. Ég er gjörsamlega búin að slökkva á þessari útlandaþrá minni, búin að finna það út að Ísland er ekkert svo slæmt land eftir allt saman og að grasið er ekkert grænna handan við hornið! Fann það í sumar þegar við hjónin fórum hringinn (í kringum Ísland) hvað ég hafði breyst, áður fyrr þegar ég var að ferðast um landið var ég sofandi í aftursætinu þar til að við vorum komin á leiðarenda. En ekki í sumar, ég tók að mér hlutverk leiðsögumannsins og var stolt af hverju einasta sandkorni sem við keyrðum framhjá Vonandi á þetta ekki eftir að breytast aftur, þar sem ég er búin að lofa þó nokkrum að ferðasta mikið næsta sumar og fara að labba upp á fjöll og ég veit ekki hvað!

Hlakka til að sjá þig!

26 ára í dag, það er ekkert annað. Ég hef alltaf skrifað afmælisblogg og ekki má það gleymast þetta árið. Ég er búin að hafa það mjög gott í dag, fékk gjafir í morgunsárið, köku og kampavín í hádeginu og svo er planið að fara út að borða í kvöld, gaman gaman!

Ég er búin að setja inn nýjar myndir inn á myndasíðuna mína. Vona að allir finni eitthvað við sitt hæfi

Skemmti mér rosalega vel í gær. Hitti Beggu vinkonu í London en hún kíkti hingað á eitt stykki árshátíð. Ég byrjaði daginn mjög snemma og ekki veiti af þar sem lestarferðirnar gengu ekkert sérlega vel, þurfti að fara fram og til baka og loksins komst ég á leiðarenda, eftir mikið ferðalag. Ferðin var heitið til Camden Town, alltaf gaman að sjá eitthvað annað en Oxford Street. Höfðum það gott að við fengu okkur dessert í morgunmat, ekkert smá flottar á því. Þræddum síðan 40% af svæðinu, keyptum aðeins af dóti, hlóum mikið af öllu dótinu sem hægt var að kaupa og auðvitað horfðum við á allt skrítna fólkið enda mikið af því í Camden.

Síðan var ferðinni heitið í Covent Garden þar sem til stóð að versla aðeins meira en engin var í stuði, gott fyrir budduna en slæmt fyrir búðirnar. Fórum frekar á uppáhaldsbarinn minn í Covent Garden og fengum okkur eina hvítvínflösku...Og ein flaska varð af tveim....Og tvær urðu af þrem....Begga komst á sjens með manni sem var klæddur í g-streng, rosalega flottur rass....Þrjár flöskur urðu af fjórum og þá var komin tími á að gellurnar færu að hafa sig til fyrir árshátíðina og leiðir okkar skyldu!

Ég komst í lestina heim þó svo að ég hafi séð allt tvöfalt og svaf alla leiðina til Peterborough, algjör snilld! Dagurinn í dag hefur farið í þynnku en það er allt í lagi svona annað slagið. Held að gellurnar hafi nú verið í verri ástandi en ég í daga enda komm það í fréttunum að tvær ungar konur frá Íslandi hafi verið yfirheyrðar fyrir læti og skemmdarverk á hótelhergi, samlokur um alla veggi! Voru þetta þið Begga?

Takk fyrir frábæran Laugardag Begga og Carol, ég set myndirnar inn á næstu dögum!

p.s Bið að heilsa fjármálastjórarnum Begga

Föstudagar eru bestu dagar í heimi, þegar ég sé fram á tveggja daga frí en svo kemur Sunnudagur! En hvað um það.... Við hjónin skemmtum okkur vel um helgina og skelltum okkur á tónleika á föstudaginn, Fórum alla leið til London til þess að hlusta á Peaches í Camden Town og þessi kona er snillingur. Hef sjaldan skemmt mér jafn vel á tónleikum og við dönsuðum af okkur báða rassana Svo spillti nú ekki fyrir að ég hitti fyrsta "cellebe-ið" mitt, þó svo að ég hafði ekki hugmynd um það fyrr en hún sagði mér það.... Mel tók þátt í fyrsta Big Brother fyrir 6 árum síðan og fólk er enn að tapa sér þegar það sér hana! Bretar eru svo fyndnir. Enduðum á djamminu með henni og vini henar og drukkum eins og svampar og skemmtum okkur vel.

Laugardagurinn fór í þynnku hjá mér en ég sendi Jason í vinnuna eftir 2 tíma svefn, einhver verður að vinna fyrir vitleysunni! Um kvöldið fórum við út að borða á grískan veitingastað í fyrsta skipti, er ekki mikið fyrir nýjungar! Þar sem við vorum þarna í fyrsta sinn fórum við í pínu leik, bara upp á grínið... ég pantaði mat fyrir Jason og hann fyrir mig! Og viti menn, okkur líkaði allt sem við pöntuðum! Algjör snilld og geðveikur matur. Frábær helgi sem sagt, en alltof fljót að líða eins og venjulega!

Ég er búin að setja inn nýjar myndir á síðuna mína, t.d. myndir af Yoda og meira skemmtilegt. Endilega látið mig vita ef þið haldið að "amma" sé eins og Yoda

Jæja þá er ég komin aftur "heim" til Bretlands. Þetta getur verið mjög flókið allt saman því ég tala um að fara heim þegar ég er að tala um Ísland en geri nákvmlega það sama þegar ég er að fara aftur til Bretlands...og engn skilur upp og niður í því sem segi (að vísu gerir það ekki nokkur maður) Það tók svo sannarlega á að fara í þessa ferð enda að vera eina konan í 21 manna hópi er ekkert grín. Ég væri frekar til i að fara með 20 leikskólakrökkum, þau geta þá allavegana leikið sér saman svo lengi sem þau hafa nægt pláss, mat og fá að sofa. Ætlaði að hitta stjórnarstelpurnar mína á mánudaginn en það gekk ekki upp þar sem einhver týndi vegabréfinu sínu, annar týndi lyklunum sínum og það var örugglega einn eða tveir sem þurfti hjálp við að fara á klósettið Ég náði rétt svo að hoppa í sturtu áður en ég fór út að borða, við erum eiginlega að tala um að ég var enn með næringuna í hárinum þegar ég mætti! En ferðin gekk þrátt fyrir allt vesenið mjög vel og allir voða ánægðir með Ísland.

Og núna er bara komin helgi, ekki slæmt! Planið er að gera lítið sem ekki neitt um helgina, reyna að vinna um kraftinn sem fór í Íslandsferðina. Okkur hjónunum er reyndar boðið í afmæli hjá ömmu hans Jason ( hún er ekkert smá krúttleg og er alveg eins og Yoda í Star Wars, pínulítill með staf) Ef þú trúir mér ekki þá skal ég taka myndir af henni og setja á myndasíðuna mína Eigum pottþétt eftir að skemmta okkur konunglega því hún er svo mikill snillingur, drekkur óblandað vodka eins og vatn, segir skemmtilegar sögur og er ekkert smá kaldhæðin! Pant vera svona þegar ég verð gömul...

Skelli  myndum inn um helgina fyrir Stellu og Beggu , góða helgi allir saman!

Tinna er á leiðinni til landsins ásamt fríðu föruneyti, kem til landsins með 16 karlmenn í fararteskinu....við erum að fara að skoða ýmislegt hjá Marel og svo eitt stykki svínabú, gæti þetta verið eithvað betra. Á samt ekki eftir að hafa mikinn tíma fyrir mig þar sem það er stíf dagskrá allan daginn og aðeins stoppað í einn og hálfan dag!

Ég er búin að setja inn fleirri myndir á myndasíðuna mína svo endilega skoðið þær ef ykkur leiðist í vinnunni Læt ykkur síðan vita hvenig var á svínabúinu og jafnvel set ég nokkrar myndir með ef þið eruð heppin!

Ég er komin með myndasíðu á síðuna mína. Þú getur fundið linkinn hérna til vinstri undir "Myndasíðan mín" Ætla mér að vera dugleg að setja inn myndir inn og við skulum vona að ég verði betri í því en að blogga

Stella fær sérstakar þakkir þar sem hún reddaði mér þessari síðu. Hún er náttúrulega algjör snillingur þessi elska. Ég hefur fengið mig til þess að brosa allan kringinn í dag. Húrra fyrir Stellu sem var eitthvað að byrja með nýja síðu, www.stellos.blogspot.com

Ég var búin að skrifa þvílíka ritgerð en síðan dó tölvan mín!

Þar sem Begga hefur svo lítið að gera í vinnunni sinni og er alltaf að suða í mér að blogga þá ákvað ég loksins að láta eftir. Takk Begga fyrir að þrýsta á mig, ef ég ætti þig ekki að þá væri ekkert á þessari síðu

Margt sniðugt búið að gerast síðan síðast, eitt stykki bjórhátíð, ferðalög út og suður með vinnunni, heimsóknir frá Íslandi, þriggja rétta matarboð fyrir tengdó, afmælið hans Jasons og djamm og djús. Halla og Ömmi komu til okkar í 8 daga, ekkert smá gaman að fá þau í heimsókn. Margt gert á meðan þau voru hérna, mikið drukkið og ýmis framtíðarplön rædd. Ég og Jason eigum eftir að sakna þeirra mjög mikið og hlökkum til að sjá þau aftur fljótlega.

Um helgina ætla ég að skella mér til London og hitta Sólrúnu gellu og Héðinn töffara. Ætla að fara með þau á Portabello markaðinn og eitthvað fleira skemmilegt. Efast ekki um að það verið mikið slúðrað í þeirri ferð og hef ég hugsað mér að skrifa það niður fyrir Dagbjörtu þar sem hún kemst ekki með mér

Síðast enn ekki síst þá komu tvö börn í heiminn þann 11. September. Til þess að byrja með viil ég óska Svanhildi, Matta og Maríönnu Hlíf innilega til hamingju með litla prinsinn. Hann er ekkert smá lítill og sjúklega sætur eins og stóra systir hans. Síðan eignuðist besti vinur hans Jasons litla stelpu sama daga og "Congratulations Sean and Hillary".

Búið að vera ógeðslega heitt hérna síðan við komum heim frá Íslandi, við erum að tala um yfir 25 stig á hverjum degi og rosalegur raki. Ég veit að fólk á Íslandi er að vera geðveikt á veðrinu heima, alltaf rigning og rok en ég væri frekar til í svoleiðis veður en þennan viðbjóð, að geta ekki sofið fyrir hita, alltaf í svitabaði (smekklegt), verða stungin af ógeðslegaum flugum og viðbjóðslega þreytt. Fór einmitt í apótekið áðan og keypti upp lagerinn af flugnabitsspreyi, flugnabitsáburði, flugnabitskremi eða hvað sem þetta allt saman heitir. Konan í apótekinu spurði mig hvert ég væri að fara í sumarfrí, hélt örugglega að ég væri að fara til Tælands eða eitthvað álíka. Ég hélt að hún myndi deyja úr hlátri þegar ég sagði henni að ég væri ekki að fara neitt heldur væri svona rosalega vinsæl hjá flugunum í Bretlandi.

Og svo segja einhverjir fræðingar í sjónvarpinu að það eigi að vera heitara í ágúst! Ég á eftir að deyja... Þannig að ef fólk er orðið geðveikt á Íslandi þá mæli ég með Bretlandi í ágúst...

Já já ég veit að ég er ekki búin að vera dugleg í smá tíma, sorry. Búið að vera mikið að gera hjá mér í vinnunni og svo náttúrulega fór ég í mitt fyrsta sumarfrí til Íslands. Ég og Jason skemmtum okkur ekkert smá vel og ég vil þakka öllum sem buðu okkur heim kærlega fyrir. Við náðum að afkasta ekkert smá miklu á stuttum tíma, fórum hringinn í kringum Ísland, skelltum í "brúðkaup" (varðeld og grill daginn eftir brúðkaup), Jason hitti enda laust af fjölskyldumeðlimum og vinum sem hann hefur aldrei séð og skemmti sér rosalega vel, fórum í grillveislu með stjórninni og endalaust meira. Enduðum svo ferðina á því að vera "veik" aka svo þunn að við vorum upp í rúmi allan daginn og reyna að halda okkur á lífi Við erum strax farin að plana næstu Íslandsferð og hvað við ætlum að gera þá.

Næsta mál á dagskrá er síðan að fá Höllu og Ömma í heimsókn í ágúst og ég efa ekki að við eigum eftir að dralla eitthvað sniðugt saman. Veit að á sama tíma og þau verða í Peterborough er búið að skipuleggja risastóra bjórhátíð sem við eigum pottþétt eftir að vera tíðir gestir á. 

Þanngað til næst, bæjó

Þá er það komið á hreint, ég og Jason komum heim í sumarfrí. Var að klára að kaupa miðana fyrir örfáum mínutum og er ekkert smá glöð. Komum að vísu ekki með sömu vélinni til landsins en það skiptir engu máli svo lengi sem við komum bæði  

Okkur langar að hitta sem flesta og sjá sem mest, þannig að ég er að reyna að plana þessa ferð ótrúlega vel. Strax búið að plana útilegu, klippingu, fjölskyldigrill, jöklaferð, grill hjá Stellos og svo auðvitað djamm downtown Reykjavik. Vá með þessu framhaldi verðum við þreyttari þegar við komum aftur í Englands

Hlakka til að sjá alla eftir nokkra daga.....

Já ég spyr mig. Fór á pöbbinn í gær og horfði á England spila og ég verð bara að viðurkenna að ég skemmi mér rosalega vel....Ekkert smá mikið stuð og allir að syngja og öskra, ég var meira að segja farin að öskra á strákana...alltaf eitthvað nýtt

Skemmti mér vel um helgina. Annað en að horfa á fótbolta þá hitti ég hann Kolbein Tuma, en litli kallinn kom hingað til Englands aleinn og fréttir herma að hann vilji ekkert fara heim. Fór  líka á útihátíð við ánna mína en það voru svo margar flugur þar að ég meikaði ekki að stoppa lengi. Jason er að hugsa um að senda mig á námskeið við flugu og skordýrafælni, hann segir að ég sé ekki normal þegar kemur af dóti með vængi og margar lappir. Ég var næstum  búin að fótbrjóta mig um helgina því ég varð fyrir árás frá vespu...ég held því fram að hún hafi verið alveg við hausinn á mér en Jason telur að hún hafi verið svona 5 metra í burtu...Hverjum er ekki sama! Þegar ég verð alheimsforseti þá ætla ég að útrýma ógeðis flugum og skordýrum. Og þið þarna sem segið að fuglarnir hafi þá ekkert til að borða, ég finn lausn á því vandamáli!